Pangalaman Basa Mimiti Nabung di Bank

Baheula mun teu salah kuring mimiti boga tabungan basa kuring geus di SMP, taun 1990 an, di peuntaseun sakola, sebrangeun alun-alun kabupaten Tasikmalaya aya hiji bank pamarentah, memeh dihijikeun jadi Bank Mandiri ayeuna eta bank aranna Bank Bumi Daya.

Sakainget kuring, harita bank BBD geus make sistem komputerisasi, laptop jigana geus aya masing teu ceuyah kawas kiwari. Mimiti buka rekening teh kudu setor 5000 rupiah, saterusna minimal 1000 rupiah. Harita teh asup ka eta bank babarengan jeung babaturan sakelas jeung kabeneran manehna teh tatangga dilembur. Kur kahalangan 3 suhunan.

Muka rekening di eta bank basa harita make kartu pelajar. Kudu neken sagala rupa, nya maklum harita kuring can boga tanda tangan nu panceug. Jadi nulis ngaran we. A Surya PW.

Nya buhan baheula mah bank teh teu pati rame kos kiwari, teu kudu make tiket atawa tatih ngantri. Aya korsi, aya koran, ah enakeun weh komo aya AC an. Merenah weh.

Diladangan ku bapa-bapa, someah pisan jang ukuran harita mah da can aya standar mutu pelayanan konsumen meurenan.

Babaturan kuring kaasup jalma nu bujur se'engan. Diukna teu bisa cicing, usrad isred, komo sok ngesang tiis, biasa meurenan ai melankolis nu sampurna mah aya weh cawaden nana teh.

Basa sok ngasongkeun tanda tanganeun, babaturan giru neken, da gurunggusuhan.

Tuluy we setor ka kasir, 5000 an mun teu salah mah. Kuring 5000 kitu oge nu jadi babaturan akur.
Kocapkeun geus aya sabulan dua bulan na. Babaturan teh rek mawa duit, kabeneran butuh rek meuli sapedah jang nambah-nambah meh meunang sapedah nu rada alus, sapedah federal baheula mah usumna teh.

Pas ngasongkeun buku tabungan ku kasir teh ditolak da tabungan teh beda tanda tangan na jeung tanda tangan manehna. Padahal ngaran na bener.

Adat da si eta mah, isukna langsung nyampeur ka imah kuring teu biasana ngajak bareng indit ka sakola (da kuring mah sok nyalse ka sakola teh, ai babaturan sok pangheulana disakola teh batur can aya manehna geus nangkring. Harita sakola bagian siang, asup jam 12.30 wib), bari hariweusweus nitah ka kuring mawa buku tabungan trus we sanggeus nepi di bank langsung kajero trus mraktekkeun deui narik tabungan, kuring di titah mawa terus manehna ge mawa.

Sarua pan balukarna teh sarua ditolakna, sejen tanda tangan tea. Dasar atuh babaturan teh sok rurusuhan, mani hariweusweus, sieun teu bisa narik tabungan. Ngaratus rebu duitna teh. Nya da tabungan kuring mah mun teu salah karek 30 rebuan. Ukuran jaman harita mah badag coy.

Geus urang ka costumer service cik teh, ulah sok babarian. Nya weh apanan sanggeus ditanyakeun teh, tanda tangan beda teh da babaturan basa ngarebut nanda tangan basa nyieun harita, si bapa eta teh sabenerna ngasongkeun ka kuring.

Teu kudu loba peta da harita mah, kusabab make baju sakola aya badge aran, kartu pelajar mawa, teu dipersulit. Lancar weh nguruskeun kakaliruan buku tabungan sejen tanda tangan.

Salam, Parta Winata